ދ. ކުޑަހުވަދޫގައި ސިހުރު ހަދާ ކަމުގެ ވާހަކަތައް ގަދައަށް ފެތުރިފައި ވަނިކޮށް ސިހުރު ހަދަން ތައްޔާރުކޮށްފައިވާ ކަމަށް ތުހުމަތު ކުރާ ތަނެއް ށ. ކަނޑިތީމުން ފެނިއްޖެ ކަމަށް އެރަށުން މީހުން ބުނަން ފަށައިފި އެވެ.
ސާދަ ސަތޭކައެއްހާ މީހުން ދިރިއުޅޭ ކަނޑިތީމުން ސަން އޮންލައިންނަށް މައުލޫމާތު ދިން ބައެއް މީހުން ބުނީ އެ ރަށުގައި މީހުން ދިރިއުޅޭ ހިސާބާ ގާތްގަނޑަކަށް 150 ފޫޓް ދުރުގައި، ވަލުމިރިހިއާއި އުނި ގަސްތަކުގެ ތެރޭގައި ހޮހޮޅައެއްގެ ގޮތަށް ހަދާފައިވާ އެތަން ފެނުނީ މިދިއަ ހުކުރު ދުވަހު ދަނޑުކޮށަން ވަލަށް ވަން ބަޔަކަށް ކަމަށެވެ.
"ސިހުރު ހޮހޮޅައިގެ" ވާހަކަ ކިޔައިދޭ އެރަށުގެ ބައެއް މީހުން ބުނީ އެ ހޮހޮޅަ އެރަށުގެ ފަންޑިތަވެރިއަކަށް ދެއްކުމުން އެތަނުގެ ތެރޭގައި އަތުރާފައި ހުރި އެއްޗިއްސަކީ މީހަކު މަރާލުމުގެ ނިޔަތުގައި ހަދަން ތައްޔާރުކޮށްފައިވާ ސިހުރެއް ކަމަށް ލަފާ ކުރެވޭ ކަމަށް ބުނެފައިވާ ކަމަށެވެ.
ސަން އޮންލައިނަށް ލިބިފައި ހުރި ފޮޓޯ ތަކުން ފެންނަ ގޮތުގައި ވިނަގަނޑެއްގެ ތެރެއިން މީހަކަށް ފިރުކިފައި ވަދެވޭ ގޮތަށް ހަދާފައި އޮންނަ ތަނެއް ފެނެ އެވެ. ބިންމަތީގައި ރަބަރުގަނޑެއް އަޅާފައި އެތަން ހަދާފައި ވަނީ ފަސޭހައިން މޫދަށް ފޭބޭ ގޮތަށެވެ. މީގެ އިތުރުން ސިހުރު ހާހޫރު ހެދުމަށް އާންމުކޮށް ފަންޑިތަވެރިން ބޭނުންކުރާ ކަށިކެޔޮ ގަހުގެ ކަށިމަލެއް ވެސް އެތަނުގެ ތެރޭގައި އަންދާލާފައި އޮވެ އެވެ.
ކަށިމަލަކީ މީހުނަށް ހަދާ ބާރުގަދަ ސިހުރުތަކުގައި ފަސްތަނުން ބަނުމަށާއި ލޯބީގެ ފަންޑިތައިގައި މޫދަށް ފާލަން އަޅައި މާ ދައްކަން ބޭނުން ކުރާ އެއްޗެހީގެ ތެރޭގައި ހިމެނޭ މަލެކެވެ.
ބާރުގަދަ ސިހުރާއި ފަންޑިތަ ފޮތްތަކުގައި މޫދަށް ފާލަށް އެޅުން ސިފަކޮށް ލިޔެފައި ހުންނަ ފަނޑިތަކުގައި ކިޔައިދީފައި ހުންނަ ބައެއް ކަހަލަ ކަންކަން ފާޅުވާ އެތަން ފެނުމުން ކަނޑިތީމުގެ ބައެއް މީހުންނަށް ހާސްކަން ވެރިވެފައިވާ ކަމަށް އެރަށުގެ ބައެއް މީހުން ބުނެ އެވެ.
ކަނޑިތީމު ކައުންސިލްގެ ރައީސް ނަސުރުﷲ އަބުދުލް ޣަނީ ވިދާޅުވީ ރަށުގައި އެފަދަ ތަނެއް ހުރި ވާހަކަ އަޑުއިވިފައިވާ ކަމަށާއި ނަމަވެސް އެތަނާ ބެހޭ ގޮތުން އެއްވެސް ޝަކުވާއެއް ކައުންސިލަށް ހުށަހަޅާފައިނުވާ ކަމަށެވެ. އަދި ރަސްމީކޮށް އެކަން ކައުންސިލްގެ ސަމާލުކަމަށް ގެނެސްފައިނުވާއިރު އެތަނާ ބެހޭ ގޮތުން އެކި މީހުން ތަފާތު ގޮތްގޮތަށް ވާހަކަ ދައްކާ ކަމަށް ވެސް އޭނާ ވިދާޅުވި އެވެ.
"ސިހުރު ހޮހޮޅައިގެ" ވާހަކަ ކިޔައިދޭ އެރަށުގެ ބައެއް މީހުން ބުނީ އެ ހޮހޮޅަ އެރަށުގެ ފަންޑިތަވެރިއަކަށް ދެއްކުމުން އެތަނުގެ ތެރޭގައި އަތުރާފައި ހުރި އެއްޗިއްސަކީ މީހަކު މަރާލުމުގެ ނިޔަތުގައި ހަދަން ތައްޔާރުކޮށްފައިވާ ސިހުރެއް ކަމަށް ލަފާ ކުރެވޭ ކަމަށް ބުނެފައިވާ ކަމަށެވެ.
ސަން އޮންލައިނަށް ލިބިފައި ހުރި ފޮޓޯ ތަކުން ފެންނަ ގޮތުގައި ވިނަގަނޑެއްގެ ތެރެއިން މީހަކަށް ފިރުކިފައި ވަދެވޭ ގޮތަށް ހަދާފައި އޮންނަ ތަނެއް ފެނެ އެވެ. ބިންމަތީގައި ރަބަރުގަނޑެއް އަޅާފައި އެތަން ހަދާފައި ވަނީ ފަސޭހައިން މޫދަށް ފޭބޭ ގޮތަށެވެ. މީގެ އިތުރުން ސިހުރު ހާހޫރު ހެދުމަށް އާންމުކޮށް ފަންޑިތަވެރިން ބޭނުންކުރާ ކަށިކެޔޮ ގަހުގެ ކަށިމަލެއް ވެސް އެތަނުގެ ތެރޭގައި އަންދާލާފައި އޮވެ އެވެ.
ކަށިމަލަކީ މީހުނަށް ހަދާ ބާރުގަދަ ސިހުރުތަކުގައި ފަސްތަނުން ބަނުމަށާއި ލޯބީގެ ފަންޑިތައިގައި މޫދަށް ފާލަން އަޅައި މާ ދައްކަން ބޭނުން ކުރާ އެއްޗެހީގެ ތެރޭގައި ހިމެނޭ މަލެކެވެ.
ބާރުގަދަ ސިހުރާއި ފަންޑިތަ ފޮތްތަކުގައި މޫދަށް ފާލަށް އެޅުން ސިފަކޮށް ލިޔެފައި ހުންނަ ފަނޑިތަކުގައި ކިޔައިދީފައި ހުންނަ ބައެއް ކަހަލަ ކަންކަން ފާޅުވާ އެތަން ފެނުމުން ކަނޑިތީމުގެ ބައެއް މީހުންނަށް ހާސްކަން ވެރިވެފައިވާ ކަމަށް އެރަށުގެ ބައެއް މީހުން ބުނެ އެވެ.
ކަނޑިތީމު ކައުންސިލްގެ ރައީސް ނަސުރުﷲ އަބުދުލް ޣަނީ ވިދާޅުވީ ރަށުގައި އެފަދަ ތަނެއް ހުރި ވާހަކަ އަޑުއިވިފައިވާ ކަމަށާއި ނަމަވެސް އެތަނާ ބެހޭ ގޮތުން އެއްވެސް ޝަކުވާއެއް ކައުންސިލަށް ހުށަހަޅާފައިނުވާ ކަމަށެވެ. އަދި ރަސްމީކޮށް އެކަން ކައުންސިލްގެ ސަމާލުކަމަށް ގެނެސްފައިނުވާއިރު އެތަނާ ބެހޭ ގޮތުން އެކި މީހުން ތަފާތު ގޮތްގޮތަށް ވާހަކަ ދައްކާ ކަމަށް ވެސް އޭނާ ވިދާޅުވި އެވެ.
0 comments:
Post a Comment