އައިޑީ ކާޑު ހެއްދުމަށް ގިނަ އަދަދެއްގެ މީހުން ފޭދޫ ކައުންސިލް އިދާރާއަށް

އަރްނަވް، ފޭދޫ އޮންލައިން

އައިޑީ ކާޑު ހެއްދުމުގެ ޙިދުމަތް ހޯދުމަށް ގިނަ އަދަދެއްގެ މީހުން ށ. ފޭދޫ ކައުންސިލް އިދާރާ ކައިރި އެބަތިއްބެވެ.

އައި ޑީ ކާޑުގެ ޙިދުމަތް ހޯދުމަށް ކުއްލިޔަކާ މިހާ ގިނަ އަދަދަކަށް މީހުން ކައުންސިލް އިދާރާ އަށް ހާޒިރުވީ، މި ހިނގާ ޖެނުއަރީ މަހުގެ އެއްވަނަ ދުވަހުން ފެށިގެން, ފެށި ' އާސަންދަ 'ގެ ޙިދުމަތް ބޭނުން ކުރެވެނީ އައި ޑީ ކާޑު ބޭނުން ކޮށްގެން ކަމަށް ވާތީ އެކަމަށް ތައްޔާރުވުމުގެ ގޮތުން ކަމަށް ފޭދޫން ވާހަކަ ދެއްކެވި ބޭފުޅަކު މަޢުލޫމާތު ދެއްވިއެވެ.
ފޭދޫ ކައުންސިލް އިދާރާއިން މިއަދު މި ޙިދުމަތް ދޭން ފަށާފައި މި ވަނީ، ގިނަ އަދަދެއްގެ ރައްޔިތުން މިހާރަށް ވެސް، ކުޅުދުއްފުށިންނާއި، ކަނޑިތީމަށް ދުރުވެ އައިޑީ ކާޑު ހައްދާފައި ވަނިކޮށެވެ. ކާޑު ހެއްދުމަށް ގޮސް ތިއްބި އާއްމުން މަޢުލޫމާތު ދިން ގޮތުގައި، މިއަދު ކުރިޔަށް މިދާ އައިޑީ ކާދު ހެއްދުމުގެ ކަންތައްތައް ކުރިޔަށް މި ގެންދަނީ އަތޮޅު ކައުންސިލާއި ފޭދޫ ކައުންސިލް ގުޅިގެން، އަތޮޅު ކައުންސިލުން ދުރުވި ބޭފުޅުންގެ ބެއްލެވުމުގެ ދަށުން ކަމަށްށެވެ.
ހުރިހާ މީހުންނަށް މި ޙިދުމަތް ފޯރުކޮށްދިނުމަށް އެ ކައުންސިލް އިދާރާއިން މިއަދު ފެށި މަސައްކަތް، ހުށަ އަޅާފައިވާ ފޯމުތައް ހުސްވަންދެން ކުރިޔަށް ގެންދާނެ ކަމަށްވެސް އެފަރާތުން މައުލޫމާތު ދެއްވައެވެ. ފޭދޫ ކައިރީގައިވާ ރައްތަކުގެ ތެރެއިން މި ޙިދުމަތް ލިބެނީ ހަމައެކަނި ކަނޑިތީމު އަދި ކުޅުދުއްފުށިންނެވެ.