އަންހެނެއްގެ އުމުރުން 20 އަހަރަށް ވުރެ މައްޗަށް ދިއުމުން ކާ ކެއުމާ ދޭތެރޭ އާދަޔާ ހިލާފަށް ފަރުވާތެރިވާން ޖެހެ އެވެ. ސަބަބަކީ އަންހެނުންނަކީ އެމީހުންގެ ހަށިގަނޑަށް އެކި އުމުރުގައި އެކި ކަހަލަ ބަދަލުތައް އައިސް ވަރަށް ގިނަ ކަންތައްތައް ތަހައްމަލު ކުރަން ޖެހޭ ބަޔަކަށް ވާތީ އެވެ.
ކަސްރަތުކުރުމާ އެކު ހަށިގަނޑަށް އެކަށީގެންވާ ރަނގަޅު ކާނާ ކެއުމަކީ ތިމާއަށާއި އާއިލާގެ އެހެން މެމްބަރުންނަށް ވެސް އެންމެ އުފާވެރި ދުޅަހެޔޮ ދިރިއުޅުމެއް އުޅެވޭނެ ހަމައެކަނި ގޮތެވެ. ހާއްސަކޮށް އަންހެނުންނަށެވެ. ސަބަބަކީ އަންހެނުންނަކީ ކޮންމެ އާއިލާއެއްގައި ވެސް ގޭތެރޭގެ ޒިންމާތަކާއި ދަރިންގެ ޒިންމާތައް އެންމެ ބޮޑަށް އުފުލަން ޖެހޭ ފަރާތަށް ވާތީ އެވެ. އަދި އަންހެނުންނަށް ހާއްސަކޮށް ބޭނުންވާ ބައެއް ކަހަލަ ކާނާތައް ހުންނާތީ އެވެ.
ޓީންއޭޖް އުމުރުން ފެށިގެން އެންމެ ޒުވާން އުމުރު ކަމަށްވާ 20 ގެ އަހަރުތައް ކަމުގައި ވިޔަސް ނުވަތަ ތިރީހުގެ އަހަރުތަކާއި އިއްދައިން ކެނޑޭ އުމުރު ކަމަށް ވިޔަސް އަންހެނެއްގެ ހަޔާތުގެ ހަމަ ކޮންމެ އުމުރެއްގައި ވެސް ވަކި ކަހަލަ ހާއްސަ ކާނާތަކެއް އެމީހުންގެ ހަށިގަނޑަށް ބޭނުންވެ އެވެ.
ހެދިބޮޑުވަމުން އަންނަ ދުވަސްވަރާއި ޓީންއޭޖް އުމުރުގައި ގިނަ ކުދިން އުޅޭނީ ކިޔެވުމުގެ ބުރަ އުފުލުމުގަ އެވެ. ވަކިން ހާއްސަކޮށް ހަށިގަނޑަށް އަންނަ އެންމެ ބޮޑެތި ބަދަލުތަކާ އަންހެންކުދިންނަށް ކުރިމަތިލާން ޖެހެނީ ވެސް މި ދުވަސްވަރު އެވެ.
އުމުރުން ވިއްސަކަށް އަހަރު ވުމުން ގިނަ އަންހެންކުދިން ވަރަށް ބުރަކޮށް އޮފީސްތަކުގައި މަސައްކަތް ކުރަން ފަށަ އެވެ. ނުވަތަ މަތީ ތައުލީމު އުނގެނުމުގެ މަސައްކަތުގައި އަވަދިނެތި އުޅެ އެވެ. އެކި ޝިފްޓަށް ބުރަކޮށް މަސައްކަތް ކުރަން ޖެހުމާއި، ވަކި ތާރީހަކަށް ކަންތައްތައް ނިންމަން ހޭބޯނާރާ އުޅެން ޖެހުމުން ހީނުކުރާ ވަރުގެ ބޮޑު ހާސްކަމެއް ސިކުނޑި އަށް ލިބި ހަށިގަނޑަށް އޭގެ ނޭދެވޭ އަސަރު ކުރެ އެވެ. މިގޮތަށް އުޅޭ ގިނަ އަންހެންކުދިން ގަޑިގަޑިން ގެއަށް ގޮސް ކެއުމަކަށް ސަމާލުކަމެއް ނުދެ އެވެ. ބަނޑުހައިވީމާ ކޮންމެވެސް ރެސްޓޯރަންޓަކަށް ވަދެ ކޮންމެވެސް ޖަންކް ފުޑެއް ކައެވެ. ނުވަތަ ބަނޑުހައިވެގެން ވެސް ހާންތިވަންދެން އެއްވެސް އެއްޗެއް ނުކައި ހުރެ އެވެ. އަދި ކަސްރަތު ކުރުން އެއްކިބައިގައި އޮއްވާ މާ ބޮޑަށް ހެލިފެލިވެ އުޅުމަކީ ވެސް މިފަދަ ކުދިންނަށް ވަރަށް ދަތި ކަމަކަށް ވެއެވެ. ނަތީޖާއަކަށް ވަނީ ސިއްހީ މައްސަލަތައް ކުރިމަތި ވުމެވެ.
މި ހުރިހާ ކަމެއްގެ އިތުރުން ރައްޓެހިވެގެން އުޅޭ ކުއްޖާ އަށް ވަގުތު ދެ އެވެ. ރައްޓެހިންނާ އެކު ވަގުތު ހޭދަކުރަން ޖެހެ އެވެ. އަދި މި ނޫން ވެސް ގިނަ ކަންތައްތަކަކާ މެދު ވިސްނަ އެވެ. މި ހުރިހާ ކަމެއް އެކުވުމުން މީހުންގެ ސިކުނޑި އާއި ހަށިގަނޑުގެ ކެތްތެރިކަން އޮންނަނީ ކޮޅުންލާވަރު ވެފަ އެވެ. މިއީ ސިއްހަތާ ބެހޭ ތަޖުރިބާކާރުންގެ ވެސް މިހާރުގެ އެންމެ ބޮޑު އެއް ކަންބޮޑުވުމެވެ.
މި ބޭފުޅުންގެ އިރުޝާދުގެ ތެރޭގައި ހިމެނޭ އެންމެ މުހިއްމު އެއް ކަމަކީ މަސްތުވާތަކެއްޗާ ދުރުހެލި ވުމެވެ. އަންހެނުން އެލްކޮހޯލް ބޭނުންކުރާ ނަމަ ކަށިތައް އަވަހަށް ފީވާ ކަމަށް މި ބޭފުޅުން ވިދާޅުވެ އެވެ. އަދި ކެފެއިން އެކުލެވޭ ބުއިންތައް ބޯ މިންވަރު ވެސް މަދުކުރަން ޖެހެ އެވެ.
ދުވާލަކު ދެ ތައްޓަށް ވުރެ ގިނައިން ކޮފީ ނުބުއިމަށާއި ފިޒީ ބުއިންތަކާއި ކޯލާތައް ކޮންމެ ދުވަހަކު ބުއިން އާދަ ނުކުރުމަށް ނަސޭހަތްތެރިވެ އެވެ.
ކްލިނިކަލް ނިއުޓްރިޝަނިސްޓެއް ކަމަށްވާ ޑރ. ނޫޕޫރް ކްރިޝްނަން ވިދާޅުވި ގޮތުގައި ވިހީގެ އަހަރުތަކަށް އެޅުމުން އަންހެނުންގެ ކަށިތައް ހެދިބޮޑުވުމަށް އިތުރު ކެލްސިއަމް ބޭނުންވާނެ އެވެ. ހާއްސަކޮށް އޭނާއަކީ ހަރަކާތްތެރި ދިރިއުޅުމެއް އުޅޭ މީހެއް ނަމަ އެވެ. އެހެންކަމުން ސޯޔާގެ ބާވަތްތައް ގިނައިން ބޭނުން ކުރަން ޖެހެ އެވެ. އޭރުން ކެންސަރާއި ހިތުގެ ބަލިތަކުން ސަލާމަތް ވުމުގެ ފުރުސަތު ބޮޑުވެ އެވެ.
ބޮޑުމީހެއްގެ އުމުރުގެ ކުރީކޮޅުގައި އިންސާނާގެ ހަށިގަނޑުގެ ކަށިތައް ހުންނަނީ ހެދޭނެ އެންމެ ބޮޑަކަށް ހެދިފަ އެވެ. އޭގެ ފަހުން ކަށިތައް ދެން އަންނާނީ މަޑުމަޑުން ހަލާކުވަމުންނެވެ. ކެލްސިއަމް ބޭނުންވަނީ މިގޮތަށް ކަށިތަކުގެ އުފެދުން ހުއްޓޭ ހިސާބުންނެވެ. މަސްތަކަކީ ކަށިތަކަށް ވުރެ މާ ހަރަކާތްތެރި އެއްޗަކަށް ވާތީ މަސްތަކަށް ޕްރޮޓީން އާއި ވިޓަމިންސްތައް ހޯދުމަށް އިތުރު ކެލޮރީޒް ބޭނުންވެ އެވެ. ހަށިގަނޑަށް ފައިދާ ހުރި ކާނާ ކާން ޖެހެނީ މި ސަބަބާ ހުރެ އެވެ.
ކެއުމުގައި ފަރުވާތެރިވާނީ ކިހިނެއް؟
- ތަފާތު ވައްތަރުގެ ކާނާ ކެއުމަށް އާދަކުރާށެވެ. މީގެ ތެރޭގައި މޭވާގެ ތަފާތު ބާވަތްތަކާއި ތަރުކާރީ ހިމަނާށެވެ.
- ކާއިރު އެއްފަހަރާ މާ ގިނައިން ނުކައި ކުޑަ މިންވަރެއް ހަތަރު ފަސް ގަޑިއިރުން އެއް ފަހަރު ކަހަލަ ގޮތަކަށް ކާށެވެ.
- ބަނޑުހައިވެގެން ނުހުންނާށެވެ.
- ދުވާލު ހަތަރު ދަމުވެސް ގިނައިން ފެން ބޯށެވެ.
ކޮންމެ އަންހެނަކު ވެސް ރީތި އިސްތަށިގަނޑެއް ބޭނުންވެ އެވެ. މިފަދަ އިސްތަށިގަނޑަކަށް ވެސް އެންމެ މުހިއްމު އެއްޗަކީ ފައިދާ ހުރި ކާނާ އެވެ. އިސްތަށިގަނޑާ ބެހޭ ތަޖުރިބާކާރަކު ވިދާޅުވީ ވިޓަމިން އޭ އާއި ބީ އަންހެނުންގެ ހަށިގަނޑުގައި މަދުވުމުގެ ނަތީޖާއެއްގެ ގޮތުން އިސްތަށިތަކުގެ ބުޑުގައި ހުންނަ ސެލްތައް މަރުވެ އިސްތަށިގަނޑު ބަލިކަށިވާ ކަމަށެވެ. އެހެންކަމުން ވިޓަމިން އޭ އާއި ބީ އެކުލެވޭ ކާނާ ގަވާއިދުން ބެލެންސްކޮށް ބޭނުންކުރަން ޖެހެ އެވެ.
ހަމައެގޮތަކަށް ހަންގަނޑަކީ ވެސް ގިނަ އަންހެނުން ވަރަށް ފަރުވާތެރިކަމާ އެކު ބަލަހައްޓަން ބޭނުންވާ އެއްޗެކެވެ. ހަންގަނޑުގެ ރީތިކަމުގައި ވެސް މުހިއްމު ރޯލެއް ކުޅެނީ ކާނާ އެވެ. ރީތި ވިދާ ހަންގަނޑެއްގެ ވެރިއަކަށް ވެވޭނީ ހަންގަނޑުގެ ތެރޭގައި ރަނގަޅަށް ލޭ ދައުރުވާ ނަމަ އެވެ. ވިޓަމިން އޭ މަދުވާ ނަމަ ހިތުގެ މައްސަލަތައް ޖެހެ އެވެ. ސަބަބަކީ މިއީ ލޭހޮޅިތަކުގެ ބާރުގަދަ ކުރަން ކޮންމެހެން ބޭނުންވާ މާއްދާއަކަށް ވާތީ އެވެ.
އަންހެނުންގެ މެދުގައި ލޭ މަދުވާ ބަލި ގިނަ އެވެ. ޕީރިއަޑްވާ އުމުރުގެ ގިނަ އަންހެނުންނަކީ ލޭ މަދުވާތީ އުޅެން ޖެހިފައިވާ ބައެކެވެ. ޕީރިއަޑް ވުމުން ގިނަ އަންހެނުން ބަނޑު އަކުނިވަޔަށް ދެމުމާއި ބަނޑުގައި ރިއްސުން ފަދަ ކަންތައްތަކާ ކުރިމަތިވެ އަދި ހަށިގަނޑަށް ލޮޑުކަން ލިބި ވަރުބަލިވެ އެވެ. އެހެންކަމުން މިފަދަ ދުވަސްވަރު ދަގަނޑުގެ ބާވަތްތައް ގިނައިން ހުންނަ ކާނާ ނުވަތަ ދަގަނޑު ބޭހެއް ބޭނުން ކުރުން ރަނގަޅެވެ.
ސުވާލާއި ޖަވާބު
ސ: އަހަންނަކީ 20 އަހަރުގެ އަންހެންކުއްޖެކެވެ. އިސްކޮޅަކީ 153 ސެންޓިމީޓަރެވެ. ބަރުދަނުގައި 58 ކިލޯ އެވެ. އަހަންނަށް ދިމާވެގެން އުޅޭ މައްސަލަ އަކީ ފައިގެ ފަލަމަސްގަނޑުގަޔާއި ބަނޑުގައި މާ ގިނައިން މަސް ޖެހުމެވެ. ހާއްސަކޮށް ފައިގެ ފަލަމަސްގަނޑު ފަލަކަމުން ވަރަށް އުނދަގޫ ވެއެވެ. އަހަރެން ހިކެން ކާނެ ކެއުމެއް ބުނެދީފާނަން ހެއްޔެވެ؟
ޖ: ހަށިގަނޑަކުން ވަކި ހިސާބަކުން ކުއްލިއަކަށް މަސްތައް ވިރުވާލުމަކީ ކުރެވޭނެ ކަމެއް ނޫނެވެ. ނަމަވެސް ގަވާއިދުން ކަސްރަތުކޮށްގެން މުޅި ހަށިގަނޑުގައި ހުންނަ ސަރުބީތައް ވިރުވައި ބަރުދަން ލުއިކުރެވިދާނެ އެވެ. ހެނދުނު ހޭލައިގެން ފުރަތަމަ ދެ ތަށި ފެން ބޯށެވެ. އަދި ކޮންމެވެސް ވައްތަރެއްގެ މޭވާއެއް ކާށެވެ. އަދި ހޯލްވީޓު ޕާނުން ސޭންޑްވިޗު ހަދައިގެން ދެ ސޭންޑްވިޗް ކާށެވެ. ބަޓަރު ފަދަ ތަކެތި ބޭނުން ނުކޮށެވެ. ހުރިހާ ވަގުތެއްގެ ކާނާގައި ވެސް ގިނައިން ތަރުކާރީ އާއި މޭވާ ބޭނުންކުރާށެވެ. މެންދުރު ކެއުމަށާއި ރޭގަނޑުގެ ކެއުމަށް ވެސް ތަރުކާރީ ސެލެޑެއް ބޭނުންކުރާށެވެ. ސްނެކްއެއް ކާން ބޭނުން ނަމަ ނަޓްސްގެ ތެރެއިން އެލްމޮންޑްސް އާއި ޕިސްޓާޗިއޯ އަދި ހިކި މޭވާގެ ތެރެއިން ކަދުރު، ޕްރޫން ނުވަތަ ފިގް ގަދަ އެއްޗެތި ބޭނުންކުރާށެވެ. މުޅި ދުވާލު ހަތަރުދަމު ގިނަ އަދަދަކަށް ފެން ބޯށެވެ. އަދި ޖަންކް ފުޑާއި ގޮދަން ފުށުން ތައްޔާރުކޮށްފައި ހުންނަ އެއްޗެތި ނުކާށެވެ. އޭރޭޓެޑް ބުއިންތަކާއި، ކޮފީ، ސައި، ފޮނި ކާއެއްޗެތި، އަސާރަ، ތެލުލި ކާނާ، ޕެކެޓުކޮށްފައި ހުންނަ ކާނާ، ޖޭމް، އަދި ތައްޔާރީ ކާނާ ކެއުމުން ދުރުހެލިވާށެވެ. ދުވާލަކު އެއްގަޑިއިރު ކަސްރަތު ކުރާށެވެ. ފެތުން، ހިނގުން، ޖޮގިން، ބައިސްކަލް ދުއްވުން ފަދަ ކަމެއް ވެސް ރަނގަޅެވެ.
ޓީންއޭޖް އުމުރުން ފެށިގެން އެންމެ ޒުވާން އުމުރު ކަމަށްވާ 20 ގެ އަހަރުތައް ކަމުގައި ވިޔަސް ނުވަތަ ތިރީހުގެ އަހަރުތަކާއި އިއްދައިން ކެނޑޭ އުމުރު ކަމަށް ވިޔަސް އަންހެނެއްގެ ހަޔާތުގެ ހަމަ ކޮންމެ އުމުރެއްގައި ވެސް ވަކި ކަހަލަ ހާއްސަ ކާނާތަކެއް އެމީހުންގެ ހަށިގަނޑަށް ބޭނުންވެ އެވެ.
ހެދިބޮޑުވަމުން އަންނަ ދުވަސްވަރާއި ޓީންއޭޖް އުމުރުގައި ގިނަ ކުދިން އުޅޭނީ ކިޔެވުމުގެ ބުރަ އުފުލުމުގަ އެވެ. ވަކިން ހާއްސަކޮށް ހަށިގަނޑަށް އަންނަ އެންމެ ބޮޑެތި ބަދަލުތަކާ އަންހެންކުދިންނަށް ކުރިމަތިލާން ޖެހެނީ ވެސް މި ދުވަސްވަރު އެވެ.
އުމުރުން ވިއްސަކަށް އަހަރު ވުމުން ގިނަ އަންހެންކުދިން ވަރަށް ބުރަކޮށް އޮފީސްތަކުގައި މަސައްކަތް ކުރަން ފަށަ އެވެ. ނުވަތަ މަތީ ތައުލީމު އުނގެނުމުގެ މަސައްކަތުގައި އަވަދިނެތި އުޅެ އެވެ. އެކި ޝިފްޓަށް ބުރަކޮށް މަސައްކަތް ކުރަން ޖެހުމާއި، ވަކި ތާރީހަކަށް ކަންތައްތައް ނިންމަން ހޭބޯނާރާ އުޅެން ޖެހުމުން ހީނުކުރާ ވަރުގެ ބޮޑު ހާސްކަމެއް ސިކުނޑި އަށް ލިބި ހަށިގަނޑަށް އޭގެ ނޭދެވޭ އަސަރު ކުރެ އެވެ. މިގޮތަށް އުޅޭ ގިނަ އަންހެންކުދިން ގަޑިގަޑިން ގެއަށް ގޮސް ކެއުމަކަށް ސަމާލުކަމެއް ނުދެ އެވެ. ބަނޑުހައިވީމާ ކޮންމެވެސް ރެސްޓޯރަންޓަކަށް ވަދެ ކޮންމެވެސް ޖަންކް ފުޑެއް ކައެވެ. ނުވަތަ ބަނޑުހައިވެގެން ވެސް ހާންތިވަންދެން އެއްވެސް އެއްޗެއް ނުކައި ހުރެ އެވެ. އަދި ކަސްރަތު ކުރުން އެއްކިބައިގައި އޮއްވާ މާ ބޮޑަށް ހެލިފެލިވެ އުޅުމަކީ ވެސް މިފަދަ ކުދިންނަށް ވަރަށް ދަތި ކަމަކަށް ވެއެވެ. ނަތީޖާއަކަށް ވަނީ ސިއްހީ މައްސަލަތައް ކުރިމަތި ވުމެވެ.
މި ހުރިހާ ކަމެއްގެ އިތުރުން ރައްޓެހިވެގެން އުޅޭ ކުއްޖާ އަށް ވަގުތު ދެ އެވެ. ރައްޓެހިންނާ އެކު ވަގުތު ހޭދަކުރަން ޖެހެ އެވެ. އަދި މި ނޫން ވެސް ގިނަ ކަންތައްތަކަކާ މެދު ވިސްނަ އެވެ. މި ހުރިހާ ކަމެއް އެކުވުމުން މީހުންގެ ސިކުނޑި އާއި ހަށިގަނޑުގެ ކެތްތެރިކަން އޮންނަނީ ކޮޅުންލާވަރު ވެފަ އެވެ. މިއީ ސިއްހަތާ ބެހޭ ތަޖުރިބާކާރުންގެ ވެސް މިހާރުގެ އެންމެ ބޮޑު އެއް ކަންބޮޑުވުމެވެ.
މި ބޭފުޅުންގެ އިރުޝާދުގެ ތެރޭގައި ހިމެނޭ އެންމެ މުހިއްމު އެއް ކަމަކީ މަސްތުވާތަކެއްޗާ ދުރުހެލި ވުމެވެ. އަންހެނުން އެލްކޮހޯލް ބޭނުންކުރާ ނަމަ ކަށިތައް އަވަހަށް ފީވާ ކަމަށް މި ބޭފުޅުން ވިދާޅުވެ އެވެ. އަދި ކެފެއިން އެކުލެވޭ ބުއިންތައް ބޯ މިންވަރު ވެސް މަދުކުރަން ޖެހެ އެވެ.
ދުވާލަކު ދެ ތައްޓަށް ވުރެ ގިނައިން ކޮފީ ނުބުއިމަށާއި ފިޒީ ބުއިންތަކާއި ކޯލާތައް ކޮންމެ ދުވަހަކު ބުއިން އާދަ ނުކުރުމަށް ނަސޭހަތްތެރިވެ އެވެ.
ކްލިނިކަލް ނިއުޓްރިޝަނިސްޓެއް ކަމަށްވާ ޑރ. ނޫޕޫރް ކްރިޝްނަން ވިދާޅުވި ގޮތުގައި ވިހީގެ އަހަރުތަކަށް އެޅުމުން އަންހެނުންގެ ކަށިތައް ހެދިބޮޑުވުމަށް އިތުރު ކެލްސިއަމް ބޭނުންވާނެ އެވެ. ހާއްސަކޮށް އޭނާއަކީ ހަރަކާތްތެރި ދިރިއުޅުމެއް އުޅޭ މީހެއް ނަމަ އެވެ. އެހެންކަމުން ސޯޔާގެ ބާވަތްތައް ގިނައިން ބޭނުން ކުރަން ޖެހެ އެވެ. އޭރުން ކެންސަރާއި ހިތުގެ ބަލިތަކުން ސަލާމަތް ވުމުގެ ފުރުސަތު ބޮޑުވެ އެވެ.
ބޮޑުމީހެއްގެ އުމުރުގެ ކުރީކޮޅުގައި އިންސާނާގެ ހަށިގަނޑުގެ ކަށިތައް ހުންނަނީ ހެދޭނެ އެންމެ ބޮޑަކަށް ހެދިފަ އެވެ. އޭގެ ފަހުން ކަށިތައް ދެން އަންނާނީ މަޑުމަޑުން ހަލާކުވަމުންނެވެ. ކެލްސިއަމް ބޭނުންވަނީ މިގޮތަށް ކަށިތަކުގެ އުފެދުން ހުއްޓޭ ހިސާބުންނެވެ. މަސްތަކަކީ ކަށިތަކަށް ވުރެ މާ ހަރަކާތްތެރި އެއްޗަކަށް ވާތީ މަސްތަކަށް ޕްރޮޓީން އާއި ވިޓަމިންސްތައް ހޯދުމަށް އިތުރު ކެލޮރީޒް ބޭނުންވެ އެވެ. ހަށިގަނޑަށް ފައިދާ ހުރި ކާނާ ކާން ޖެހެނީ މި ސަބަބާ ހުރެ އެވެ.
ކެއުމުގައި ފަރުވާތެރިވާނީ ކިހިނެއް؟
- ތަފާތު ވައްތަރުގެ ކާނާ ކެއުމަށް އާދަކުރާށެވެ. މީގެ ތެރޭގައި މޭވާގެ ތަފާތު ބާވަތްތަކާއި ތަރުކާރީ ހިމަނާށެވެ.
- ކާއިރު އެއްފަހަރާ މާ ގިނައިން ނުކައި ކުޑަ މިންވަރެއް ހަތަރު ފަސް ގަޑިއިރުން އެއް ފަހަރު ކަހަލަ ގޮތަކަށް ކާށެވެ.
- ބަނޑުހައިވެގެން ނުހުންނާށެވެ.
- ދުވާލު ހަތަރު ދަމުވެސް ގިނައިން ފެން ބޯށެވެ.
ކޮންމެ އަންހެނަކު ވެސް ރީތި އިސްތަށިގަނޑެއް ބޭނުންވެ އެވެ. މިފަދަ އިސްތަށިގަނޑަކަށް ވެސް އެންމެ މުހިއްމު އެއްޗަކީ ފައިދާ ހުރި ކާނާ އެވެ. އިސްތަށިގަނޑާ ބެހޭ ތަޖުރިބާކާރަކު ވިދާޅުވީ ވިޓަމިން އޭ އާއި ބީ އަންހެނުންގެ ހަށިގަނޑުގައި މަދުވުމުގެ ނަތީޖާއެއްގެ ގޮތުން އިސްތަށިތަކުގެ ބުޑުގައި ހުންނަ ސެލްތައް މަރުވެ އިސްތަށިގަނޑު ބަލިކަށިވާ ކަމަށެވެ. އެހެންކަމުން ވިޓަމިން އޭ އާއި ބީ އެކުލެވޭ ކާނާ ގަވާއިދުން ބެލެންސްކޮށް ބޭނުންކުރަން ޖެހެ އެވެ.
ހަމައެގޮތަކަށް ހަންގަނޑަކީ ވެސް ގިނަ އަންހެނުން ވަރަށް ފަރުވާތެރިކަމާ އެކު ބަލަހައްޓަން ބޭނުންވާ އެއްޗެކެވެ. ހަންގަނޑުގެ ރީތިކަމުގައި ވެސް މުހިއްމު ރޯލެއް ކުޅެނީ ކާނާ އެވެ. ރީތި ވިދާ ހަންގަނޑެއްގެ ވެރިއަކަށް ވެވޭނީ ހަންގަނޑުގެ ތެރޭގައި ރަނގަޅަށް ލޭ ދައުރުވާ ނަމަ އެވެ. ވިޓަމިން އޭ މަދުވާ ނަމަ ހިތުގެ މައްސަލަތައް ޖެހެ އެވެ. ސަބަބަކީ މިއީ ލޭހޮޅިތަކުގެ ބާރުގަދަ ކުރަން ކޮންމެހެން ބޭނުންވާ މާއްދާއަކަށް ވާތީ އެވެ.
އަންހެނުންގެ މެދުގައި ލޭ މަދުވާ ބަލި ގިނަ އެވެ. ޕީރިއަޑްވާ އުމުރުގެ ގިނަ އަންހެނުންނަކީ ލޭ މަދުވާތީ އުޅެން ޖެހިފައިވާ ބައެކެވެ. ޕީރިއަޑް ވުމުން ގިނަ އަންހެނުން ބަނޑު އަކުނިވަޔަށް ދެމުމާއި ބަނޑުގައި ރިއްސުން ފަދަ ކަންތައްތަކާ ކުރިމަތިވެ އަދި ހަށިގަނޑަށް ލޮޑުކަން ލިބި ވަރުބަލިވެ އެވެ. އެހެންކަމުން މިފަދަ ދުވަސްވަރު ދަގަނޑުގެ ބާވަތްތައް ގިނައިން ހުންނަ ކާނާ ނުވަތަ ދަގަނޑު ބޭހެއް ބޭނުން ކުރުން ރަނގަޅެވެ.
ސުވާލާއި ޖަވާބު
ސ: އަހަންނަކީ 20 އަހަރުގެ އަންހެންކުއްޖެކެވެ. އިސްކޮޅަކީ 153 ސެންޓިމީޓަރެވެ. ބަރުދަނުގައި 58 ކިލޯ އެވެ. އަހަންނަށް ދިމާވެގެން އުޅޭ މައްސަލަ އަކީ ފައިގެ ފަލަމަސްގަނޑުގަޔާއި ބަނޑުގައި މާ ގިނައިން މަސް ޖެހުމެވެ. ހާއްސަކޮށް ފައިގެ ފަލަމަސްގަނޑު ފަލަކަމުން ވަރަށް އުނދަގޫ ވެއެވެ. އަހަރެން ހިކެން ކާނެ ކެއުމެއް ބުނެދީފާނަން ހެއްޔެވެ؟
ޖ: ހަށިގަނޑަކުން ވަކި ހިސާބަކުން ކުއްލިއަކަށް މަސްތައް ވިރުވާލުމަކީ ކުރެވޭނެ ކަމެއް ނޫނެވެ. ނަމަވެސް ގަވާއިދުން ކަސްރަތުކޮށްގެން މުޅި ހަށިގަނޑުގައި ހުންނަ ސަރުބީތައް ވިރުވައި ބަރުދަން ލުއިކުރެވިދާނެ އެވެ. ހެނދުނު ހޭލައިގެން ފުރަތަމަ ދެ ތަށި ފެން ބޯށެވެ. އަދި ކޮންމެވެސް ވައްތަރެއްގެ މޭވާއެއް ކާށެވެ. އަދި ހޯލްވީޓު ޕާނުން ސޭންޑްވިޗު ހަދައިގެން ދެ ސޭންޑްވިޗް ކާށެވެ. ބަޓަރު ފަދަ ތަކެތި ބޭނުން ނުކޮށެވެ. ހުރިހާ ވަގުތެއްގެ ކާނާގައި ވެސް ގިނައިން ތަރުކާރީ އާއި މޭވާ ބޭނުންކުރާށެވެ. މެންދުރު ކެއުމަށާއި ރޭގަނޑުގެ ކެއުމަށް ވެސް ތަރުކާރީ ސެލެޑެއް ބޭނުންކުރާށެވެ. ސްނެކްއެއް ކާން ބޭނުން ނަމަ ނަޓްސްގެ ތެރެއިން އެލްމޮންޑްސް އާއި ޕިސްޓާޗިއޯ އަދި ހިކި މޭވާގެ ތެރެއިން ކަދުރު، ޕްރޫން ނުވަތަ ފިގް ގަދަ އެއްޗެތި ބޭނުންކުރާށެވެ. މުޅި ދުވާލު ހަތަރުދަމު ގިނަ އަދަދަކަށް ފެން ބޯށެވެ. އަދި ޖަންކް ފުޑާއި ގޮދަން ފުށުން ތައްޔާރުކޮށްފައި ހުންނަ އެއްޗެތި ނުކާށެވެ. އޭރޭޓެޑް ބުއިންތަކާއި، ކޮފީ، ސައި، ފޮނި ކާއެއްޗެތި، އަސާރަ، ތެލުލި ކާނާ، ޕެކެޓުކޮށްފައި ހުންނަ ކާނާ، ޖޭމް، އަދި ތައްޔާރީ ކާނާ ކެއުމުން ދުރުހެލިވާށެވެ. ދުވާލަކު އެއްގަޑިއިރު ކަސްރަތު ކުރާށެވެ. ފެތުން، ހިނގުން، ޖޮގިން، ބައިސްކަލް ދުއްވުން ފަދަ ކަމެއް ވެސް ރަނގަޅެވެ.
0 comments:
Post a Comment